Kuvendi i Shqipërisë pritet të votojë javën e ardhshme një rezolutë për shpalljen e Iranit si shtet sponsor të terrorizmit. Këtë e bëri të ditur kryeministri Edi Rama gjatë një konference për shtyp.

Sipas kreut të qeverisë, iniciativa do të shqyrtohet në Parlament dhe pritet të hidhet në votim në seancën e ardhshme parlamentare.

“Parlamenti do votojë një rezolutë për të shpallur republikën Komeiniste të Iranit shtet sponsor të terrorizmit dhe bashkë me këtë do të shpallet organizatë terroriste Garda e Iranit dhe Hezbollahu. Ka pasur më parë edhe partnerë që e kanë bërë këtë gjë, do ta bëjmë edhe ne. kriza po shfaqet në të gjithë botën, si rezultat i rritjes së çmimit të naftës”, deklaroi Rama.