Partia Demokratike është drejt përmbylljes së procesit të riorganizimit të saj në të gjithë vendin. Sipas burimeve nga selia blu, afati për përfundimin e zgjedhjes së kryetarëve dhe kryesive në degët lokale është caktuar data 30 prill.

Me mbylljen e këtij procesi, pritet të nisë menjëherë gara për drejtimin e Partisë Demokratike. Zgjedhjet për kryetarin e ri janë planifikuar të mbahen më 23 maj.

Ndërsa më 6 qershor do të zhvillohet Kuvendi Kombëtar, ku do të formalizohen strukturat e reja drejtuese dhe do të përcaktohet drejtimi politik i partisë për periudhën në vijim.