Një ngjarje e rëndë është regjistruar në Klos ku një 69 vjeçar ka rënë nga një shkëmb dhe për pasojë ka gjetur vdekjen.

Mësohet se 65 vjeçari që ka humbur jetën është identifikuar si Ibrahim Dema, ndërsa është gjetur pa shenja jete pranë xhamisë së fshatit Dom në Klos

Sipas informacioneve paraprake, Dema ishte duke prerë dru zjarri në një terren malor, kur dyshohet se ka rrëshqitur dhe ka rënë në terrenin e vështirë shkëmbor.

Për pasojë ai ka humbur jetën.

Grupi hetimor ndodhet në vendin e ngjarjes dhe po punon për zbardhjen e plotë të rrethanave.

Informacion paraprak

Rreth orës 09:40, shtetasi I.D., 69 vjeç, banues në fshatin Dom, njësia administrative Gurë, Klos, dyshohet se, duke prerë dru zjarri në një terren malor, ka rrëshqitur dhe për pasojë, ka humbur jetën.

Grupi hetimor ndodhet në vendngjarje dhe po punon për sqarimin e plotë të rrethanave të këtij rasti.