Drejtoria e Përgjithshme e Taksave dhe Tarifave Vendore pranë Bashkisë Tiranë (DPTTV) njofton se gjatë muajit Mars është përmbyllur procesi i gjenerimit dhe shpërndarjes së njoftimeve për detyrimet e taksave dhe tarifave vendore për vitin tatimor 2026. Ky proces përfshin subjektet tregtare për detyrimet e biznesit, si dhe individët që janë pronarë të njësive tregtare për detyrimet e taksës mbi pasurinë e paluajtshme.

Njoftimet janë vënë në dispozicion edhe në mënyrë elektronike përmes platformës e-Albania, ku çdo taksapagues mund të konsultojë detyrimin përkatës në profilin e tij. Njëkohësisht, ato janë dërguar edhe me postë në adresat fizike të vetëdeklaruara nga taksapaguesit, për të garantuar informim të plotë.

DPTTV apelon që të gjithë taksapaguesit të kryejnë pagesat brenda afateve të përcaktuara ligjore për të shmangur penalitetet, kamatëvonesat dhe gjobat që mund të aplikohen në rast vonese.

Afati për pagesën e taksave dhe tarifave vendore për bizneset është 31 Maj 2026. Për taksën mbi pasurinë e paluajtshme për pronarët e njësive tregtare, kështi i parë duhet të shlyhet deri më 20 Prill 2026, dhe kështi i dytë deri më 30 Qershor 2026.

Drejtoria e Përgjithshme e Taksave dhe Tarifave Vendore thekson angazhimin për të ofruar shërbim dhe asistencë për çdo taksapagues, duke ftuar qytetarët dhe bizneset që të verifikojnë në kohë detyrimet e tyre dhe të respektojnë afatet përkatëse.