Sot ndryshon ora, duke shënuar kalimin në orës verore.

Akrepat janë zhvendosur 60 minuta përpara, duke na vendosur një orë përpara krahasuar me një ditë më parë.

Ora verore synon të shfrytëzojë më mirë dritën natyrale të diellit, duke optimizuar aktivitetet e përditshme dhe duke kontribuar në kursimin e energjisë. Ky sistem zbatohet për rreth shtatë muaj, deri në të dielën e fundit të tetorit.

Praktika e ndryshimit të orës ka një histori të gjatë. Ajo u prezantua fillimisht në vitin 1916 nga Gjermania gjatë Luftës së Parë Botërore për të kursyer energji, dhe më pas u adoptua nga vende të tjera, përfshirë Mbretërinë e Bashkuar. Në Evropë, ora verore u rikthye gjerësisht në vitet 1970 pas krizave të naftës, ndërsa që nga viti 2001 zbatohet në mënyrë të unifikuar nga vendet e Bashkimit Evropian dhe vende të tjera europiane, përfshirë Shqipërinë.

Megjithatë, ekspertët paralajmërojnë se edhe një ndryshim prej 60 minutash mund të ketë ndikim në organizmin e njeriut. Zhvendosja e orës ndikon në ritmin biologjik, të njohur si ora e brendshme 24-orëshe, e cila rregullon gjumin, vigjilencën, prodhimin e hormoneve dhe humorin.

Për shumë njerëz, përshtatja me orën e re mund të shoqërohet me lodhje, vështirësi në gjumë dhe ulje të përqendrimit, veçanërisht në ditët e para pas ndryshimit. Megjithatë, me kalimin e kohës, trupi zakonisht përshtatet me ritmin e ri ditor.