Një i dënuar me burgim të përjetshëm ka ndërruar jetë në Spitalin Rajonal të Korçës, pasi u transportua me urgjencë për shkak të problemeve shëndetësore.

Bëhet fjalë për shtetasin Hysni Qamil Repaj, i cili vuante dënimin për veprat penale “vrasje me dashje në lidhje me një krim tjetër” dhe “armëmbajtje pa leje”.

Sipas të dhënave, gjatë një kontrolli mjekësor në institucionin e vuajtjes së dënimit, u konstatuan rrahje të ulëta të zemrës, çka bëri të nevojshëm dërgimin e tij në spital për trajtim të specializuar.

Megjithatë, gjatë ekzaminimeve në spital, gjendja e tij u përkeqësua dhe ai pësoi arrest kardiak. Pavarësisht ndërhyrjes së mjekëve, nuk u arrit të shpëtohej.

Autoritetet përkatëse janë njoftuar dhe pritet zbardhja e plotë e rrethanave të ngjarjes.