Një ngjarje e rëndë është regjistruar në Lushnje ku drejtuesi i një mjeti transporti të një shkolle jo publike ka ngacmuar seksualisht një vajzë të mitur.

Kanë qenë familjarët e të miturës që kanë bërë kallëzimin në polici dhe kjo e fundit ka arrestuar shoferin e furgonit, Thoma Kovaçi.

E mitura u ka treguar familjarëve të saj në lidhje me ngacmimin gjatë transportimit nga banesa në shtëpi dhe anasjelltas, duke ju drejtuar më tej bluve të Lushnjes, që bën arrestimin e Kovaçit.

Burime për mediat bëjnë me dije se 16 vjeçarja është pyetur në praninë e një psikologeje për të dhënë versionin e saj, që ka çuar në ndalimin e drejtuesit të furgonit të shkollës jo publike.

“Specialistët për Hetimin e Krimeve të Komisariatit të Policisë Lushnjë arrestuan shtetasin Th. K., 67 vjeç, banues në Lushnjë, pasi dyshohet se ka ngacmuar seksualisht një 16-vjeçare”- njoftoi policia teksa vijojnë hetimet për zbardhjen e plotë të këtij rasti.