Një ngjarje tragjike ka ndodhur këtë të premte në qytetin e Durrës, ku një nxënës 17-vjeçar ka humbur jetën gjatë zhvillimit të orës së edukimit fizik në gjimnazin Gjergj Kastrioti.

Viktima, me inicialet F.S., dyshohet se ka pësuar një arrest kardiak në mënyrë të menjëhershme, duke rënë pa ndjenja gjatë aktivitetit fizik.

Menjëherë pas ngjarjes, në vendin e ngjarjes kanë mbërritur shërbimet e urgjencës, si dhe efektivë të policisë. Pavarësisht përpjekjeve për ta ndihmuar, 17-vjeçari nuk ka mundur të mbijetojë.

Grupi hetimor dhe ekspertët mjeko-ligjorë janë angazhuar për të përcaktuar shkaqet e sakta të kësaj tragjedie, ndërsa pritet edhe rezultati i ekspertizës përfundimtare.