Tensione brenda Partisë Demokratike në Kavajë. Dega lokale ka refuzuar urdhrin për zhvillimin e zgjedhjeve për kryetar të ri, duke mos pranuar të hyjë në një proces të ri organizativ, siç ishte kërkuar nga Sali Berisha.

Burime nga struktura lokale bëjnë me dije se drejtuesit e degës nuk e konsiderojnë të nevojshme mbajtjen e zgjedhjeve në këtë moment, duke mbajtur qëndrim kundër vendimit të qendrës.

Aktualisht, kryetar i PD-së në Kavajë është Fisnik Qosja, i cili njëkohësisht mban edhe postin e kryetarit të bashkisë. Refuzimi i degës shihet si një sinjal i qartë i përçarjeve të brendshme dhe mosdakordësive për mënyrën e drejtimit dhe organizimit të partisë në nivel lokal.

Ende nuk ka një reagim zyrtar nga selia qendrore, ndërsa mbetet për t’u parë nëse kjo situatë do të çojë në masa disiplinore apo një rishikim të vendimit për degën e Kavajës.