Partia Socialiste ka mbledhur ditën e sotme Grupin Parlamentar, por këtë herë nuk ka qenë i pranishëm kryeministri Rama.

Pas mbledhjes, kreu i Grupit Parlamentar, Taulant Balla, foli për mediat, ku u pyet edhe për përplasjet mes kryeministrit Rama dhe Elisa Spiropalit, me këtë të fundit që nuk i ka kursyer sulmet mbi mënyrën se si drejtohet PS.

Sipas Ballës, nuk ka asnjë vendim mbi akuzat e Spiropalit, ndërkohë që në fund të këtij sesioni parlamentar do të bëhet edhe një analizë mbi performancën e çdo deputeti. Gjithashtu Balla tha se Spiropali nuk ka ngritur asnjë shqetësim në mbledhjet e grupit.

“Çdo fund-sesioni bëjmë një analizë për performancën e çdo deputeti. Më pas kërkohet përmirësimi i performancës. Spiropali nuk ka shprehur shqetësim në mbledhje grupi. Nuk kam dëgjuar gjë”, tha ai.