Dy nga emrat më të komentuar të showbizit shqiptar, Xhensila Myrtezaj dhe Ledri Vula, janë rikthyer sërish në qendër të vëmendjes së mediave rozë. Këtë herë, dyshja është kapur “mat” në një club, ku sipas pamjeve që po qarkullojnë në rrjet, ata shfaqen shumë të afërt me njëri-tjetrin.

Në videon që po bëhet virale në rrjetet sociale, dy këngëtarët duken duke kaluar kohë bashkë në një ambient nate, ndërsa një moment i afërt mes tyre ka ndezur menjëherë spekulimet për një lidhje të mundshme. Pamjet kanë ngjallur reagime të shumta nga fansat, të cilët po komentojnë nëse mes tyre ka diçka më shumë se miqësi.

Aludimet për një romancë mes Xhensilës dhe Ledrit kanë qarkulluar edhe më herët. Mediat kanë raportuar se dy artistët janë parë shpesh në shoqërinë e njëri-tjetrit në lokale dhe ambiente publike, duke shtuar dyshimet për një lidhje të mundshme mes tyre.

Deri tani, as Xhensila Myrtezaj dhe as Ledri Vula nuk kanë reaguar publikisht për pamjet që po qarkullojnë në internet.