I ftuar në emisionin Opinion, gazetari Bernard Pecnikaj ka folur për misterin e zhdukjes së Bleona Mates, duke sjellë detaje të reja dhe duke rikthyer dyshimet mbi ngjarjen. Ai ka analizuar dëshmitë dhe informacionet e mbledhura nga terreni, duke ofruar një pasqyrë më të qartë mbi rrethanat e ndodhive.

Sipas dëshmive, Bleona kishte kaluar pjesën më të madhe të ditës duke luajtur në qendër të fshatit, ku ndodhej edhe një market i vogël dhe një klub i vogël. Pesë vajzat e tjera, mes të cilave edhe halla dhe kushërira të Bleonës, ndodheshin në mal duke kullotur bagëtitë.

Momenti i parë i dyshimtë lidhet me vajzën më të vogël, Qamilja, 15 vjeçe, e cila zbriti në qendër të fshatit për të marrë një grep për të qëndisur. Nuk dihet nëse ajo shkoi vetë apo u dërgua nga Gentiana, e cila mund ta ketë porositur dhe dërguar Qamiljen.

Momenti i dytë kritik lidhet me vendimin e Bleonës për të shkuar pas Qamiljes, në një distancë që kërkonte rreth 20-30 minuta ecje në terren. Sipas dëshmive, vajzat u shpërndanë në drejtime të ndryshme: halla Alketa në veri-lindje, Rudina dhe Djana në jug, ndërsa të tjerat në një drejtim jo të qartë. Thuhet se Amilia dhe Gentiana kanë qenë dy personat e fundit që kanë qenë me të dhe më pas u larguan duke ndjekur bagëtitë.

Gazetari Pecnikaj ka theksuar gjithashtu informacionet që vinin nga Vlora në vitin 2010. Njëri prej tyre lidhej me Lakatundin, ku policia kryen kontrolle, mori dëshmi, por nuk gjeti lidhje me zhdukjen e Bleonës.

Ky rast vazhdon të mbetet i paqartë dhe të ngjallë shumë pyetje për komunitetin dhe autoritetet.