Shumë përdorues kanë raportuar mbrëmjen e kësaj të marte probleme me shërbimin e kompanisë së telefonisë mobile ONE Albania. Sipas abonentëve, rrjeti nuk po funksionon normalisht, duke pamundësuar kryerjen e telefonatave, dërgimin e mesazheve dhe përdorimin e internetit.

Gjithashtu, disa përdorues raportojnë se nuk po hapet as faqja zyrtare e kompanisë, çka ka shtuar dyshimet për një problem më të gjerë teknik në sistem.

Deri në këto momente nuk ka një reagim zyrtar nga kompania lidhur me shkakun e situatës.

Pritet që në orët në vijim të ketë një sqarim nga kompania për rikthimin e plotë të shërbimit për abonentët.