Një aksident i rëndë me pasojë vdekjen është regjistruar paraditen e sotme në Tiranë.

Sipas informacioneve paraprake, një autobot uji ka përplasur një grua që po qarkullonte me motoçikletë në zonën pranë ish-Ekspozitës dhe Gjykatës Civile të Tiranës. Përplasja ka qenë e fortë dhe fatkeqësisht viktima nuk ka mundur t’i mbijetojë plagëve të marra, duke ndërruar jetë në vendngjarje.

Në vendin e ngjarjes kanë mbërritur menjëherë shërbimet e policisë dhe ambulanca, ndërsa grupi hetimor ka nisur punën për zbardhjen e plotë të rrethanave dhe shkaqeve të aksidentit.

Identiteti i viktimës dhe detaje të tjera pritet të bëhen të ditura në vijim, ndërsa autoritetet po verifikojnë përgjegjësinë e drejtuesit të autobotit.