Tre persona janë arrestuar nga Policia e Tiranës, pasi dyshohen se kanë dhunuar dhe i kanë hequr lirinë një 28-vjeçari. Ngjarja ka ndodhur në zonën e njohur si “Te Pamja”, në kryeqytet.

“Specialistët për Hetimin e Krimeve të Komisariatit të Policisë Nr. 2: -arrestuan shtetasit E. L., 30 vjeç, E. Sh., 24 vjeçe dhe M. K., 22 vjeçe, pasi dyshohet se në bashkëpunim me njëri-tjetrin, i kanë hequr lirinë një 28-vjeçari, dhe e kanë dhunuar”, njofton policia.

Sipas burimeve, të arrestuarit janë Erion Lala, Elsa Sherifi dhe Marsilda Kita. Materialet procedurale i janë referuar Prokurorisë, ndërsa hetimet vijojnë për zbardhjen e plotë të rrethanave të ngjarjes.