Durrës – Finalizohet operacioni policor i koduar “Storm 17”, i zhvilluar gjatë katër javëve të fundit nga Specialistët e Seksionit për Hetimin e Trafiqeve, së bashku me Forcën e Posaçme Operacionale, për veprat penale “Prostitucioni” dhe “Përshtatja e ambienteve për prostitucion”.
Gjatë operacionit u arrestuan në flagrancë shtetaset:
- X. Ch., 48 vjeçe
- J. L., 36 vjeçe
- Y. L., 48 vjeçe
- L. Sh., 53 vjeçe
Të gjitha shtetase kineze, të cilat kishin marrë me qira dy ambiente në Golem dhe Shkëmbi i Kavajës, duke i përshtatur për ushtrimin e prostitucionit.
Gjithashtu, për veprën penale “Prostitucioni”, u proceduan penalisht edhe 4 shtetas nga Durrësi, Kavaja, Shijaku dhe Kosova.
Nga veprimet hetimore u sekuestruan 4 pasaporta dhe një shumë parash, si dhe u dokumentua mënyra e organizimit të aktivitetit të paligjshëm.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
