Një 36-vjeçar është arrestuar në Fushë Krujë, pasi u kap i armatosur në një lokal, ndërsa iu sekuestrua pistoleta që mbante me vete dhe municioni luftarak.

Gjithashtu është proceduar edhe pronari i lokalit për moskallëzim krimi

Njoftimi i plotë

DVP Tiranë/Finalizohet operacioni i koduar “Klienti”.

Kapet i armatosur me pistoletë në një lokal në Fushë Krujë dhe vihet në pranga 36-vjeçari.

Procedohet penalisht pronari i lokalit, për moskallëzim krimi.

Sekuestrohet arma e zjarrit pistoletë me krehër me municion luftarak.

Shërbimet e Seksionit për Hetimin e Narkotikëve të DVP Tiranë, në vijim të punës për goditjen e paligjshmërive, bazuar dhe në informacionet e siguruara në rrugë operative, kanë organizuar dhe finalizuar operacionin e koduar “Klienti”.

Gjatë operacionit, shërbimet e Policisë kanë ndërhyrë në lokalin e shtetasit A. S., në Fushë Krujë, ku kanë lokalizuar shtetasin A. Xh., të cilit gjatë kontrollit në çantë, i kanë gjetur një armë zjarri pistoletë me krehër me municion luftarak.

Në vijim të veprimeve për rastin, u arrestua në flagrancë shtetasi A. Xh., 36 vjeç dhe nisi procedimi penal për shtetasin A. S., 41 vjeç, banues në Fushë Krujë.

Materialet procedurale i kaluan Prokurorisë, për veprime të metejshme.