Sekretari i Përgjithshëm i PD-së, Flamur Noka, ka folur rreth kandidaturave për zgjedhjen e kreut të ri të Partisë Demokratike.

“Tani, unë në 13 mars kur kryesia e PD ka marrë vendim kryesia e PD për çeljen e garës për kryetar, ju kam komunikuar që gara është hapur dhe besoj që kemi qenë transparent. Tani, ka një muaj, ka patur çdokush që aspiron për të aplikuar dhe ka afat deri në 12 të natës”, tha Noka.

Ndërkohë Noka ka skualifikuar Salianjin, Kokalarin dhe Balliun, ndërsa që Mereme Sela, deri më tani kandidatja e vetme përballë Berishës, Noka u shpreh se do të shohin nëse plotëson kushtet.

“Mirela Sela është demokrate. Është anëtare e partisë. Është pritur, ka dorëzuar. A i plotëson kriteret, a s’i plotëson kriteret, është çështje e institucioneve. Por ajo është demokrate dhe absolutisht”, tha Noka.

Gazetarët: Zoti Noka, po e çoni sërish Partinë Demokratike drejt një përplasje në gjykatë me demokratë?

Noka: A ke parë diçka ti, ka ndonjë anëtar i Partisë Demokratike që ka aplikuar dhe i është refuzuar e drejta e aplikimit? Më thoni një.

Gazetarët: Nuk u prit në mënyrë serioze. Nuk ishte një person nga zyra e protokollit. Mungonte anëtari i komisionit zgjedhor.

Noka: Unë po ju bëj një pyetje. Dini ju që një anëtar i PD-së ka aplikuar dhe nuk i është pranuar aplikimi? Asnjë!