Policia e Tiranës ka finalizuar operacionin e koduar “Foleja 6”, i zhvilluar nga Komisariati i Policisë Nr. 3, pas informacioneve të siguruara për një rast prostitucioni.

Si rezultat i ndërhyrjes, u arrestuan dy shtetase nga Kina, H.W., 40 vjeçe, dhe K.Sh., 38 vjeçe, të cilat dyshohet se ushtronin prostitucion në një apartament të marrë me qira në rrugën “Myslym Shyri”.

Gjithashtu, nisi procedimi penal ndaj tre shtetasve të tjerë, të cilët dyshohet se përfitonin nga kjo veprimtari e paligjshme.

Gjatë operacionit, policia sekuestroi shuma parash të dyshuara si të përfituara nga prostitucioni, si dhe dy telefona celularë.

Materialet procedurale i kaluan Prokurorisë së Tiranës për veprime të mëtejshme.