Qeveria e Shqipërisë pritet të rikthejë së shpejti Bordin e Transparencës, një masë që synon monitorimin e çmimeve të karburanteve dhe parandalimin e abuzimeve.

Vendimi vjen pas rritjes së çmimit të naftës me 15 lekë brenda 24 orëve të fundit. Ekzekutivi po konsideron masa konkrete, përfshirë edhe uljen e akcizës me 20%, nga niveli aktual prej 38.8 lekësh.

Në mbledhjen e fundit janë përcaktuar marzhet e fitimit: 3 lekë për tregtinë me shumicë dhe 12 lekë për atë me pakicë. Aktualisht, një Task-Forcë monitoron tregun e hidrokarbureve për të parandaluar rritje të papritura çmimesh.

Ndërkohë, Konfindustria ka kërkuar rishikimin e barrës fiskale mbi karburantet, duke theksuar se mbi një litër naftë rëndojnë katër taksa kryesore: akciza, TVSH-ja, taksa e karbonit dhe ajo e qarkullimit.