Ambasada Britanike në Tiranë ka reaguar këtë të enjte, pak para nisjes së seancës plenare në Kuvend ku pritet të shqyrtohet çështja e imunitetit të deputetes Belinda Balluku.
Përmes një mesazhi publik, ambasada thekson rëndësinë e ruajtjes së pavarësisë së gjyqësorit dhe respektimit të sundimit të ligjit, duke nënvizuar se imuniteti parlamentar duhet të shërbejë për mbrojtjen e proceseve demokratike dhe jo të pengojë llogaridhënien para ligjit.
“Ambasada Britanike thekson rëndësinë e ruajtjes së sundimit të ligjit dhe pavarësisë gjyqësore, dhe njeh progresin e Shqipërisë në reformën gjyqësore që nga viti 2016, përfshirë krijimin e SPAK-ut.
Ekzekutivi, Gjyqësori dhe Legjislativi mbeten partnerë të barabartë në mbështetjen e këtij progresi si pjesë e qëllimit të Shqipërisë për arritjen e anëtarësimit në BE.
Ndërsa imuniteti parlamentar duhet të mbrojë proceset demokratike, ai nuk duhet të jetë pengesë për llogaridhënie të barabartë para ligjit”, thuhet në postim.
