Nis seanca e parë për një nga fraksionet e operacionit të koduar “Revanshi” me të pandehur Aldo Avdyli, Edson Jozëik, Henerigert Mitri, Marklen Haka, Altin Morina, Jozi Kraja, Durim Bami, Oltion Zefi.

Gazetarja e Top Channel Anila Hoxha bën me dije se në sallë i pranishëm ishte vetëm i pandehuri Jozi Kraja. Ky i fundit i qëndron kërkesës për zhvillimin e procesit me gjykim të shkurtuar.

Aldo Avdyli ka paraqitur deklaratë që të përfaqësohet nga avokati Dritan Jahja, i cili nuk është i pranishëm.

Oltion Zefi nuk është i pranishëm, po ashtu mungon edhe avokati i tij Elis Bilali.

Henerigert Mitri nuk merr pjesë në seancë, i pranishëm avokati i tij Ardian Leka.

Mariglen Haka nuk është i pranishëm i pranishëm avokati i tij Erjon Kullolli.

Altin Mornia nuk është i pranishëm mungon edhe avokati i tij për arsye shëndetësore.

Durim Bami nuk është i pranishëm dhe përfaqësohet nga Ilir Murati i cili është i pranishëm. Po ashtu i qëndron gjykimit të shkurtuar.

Gjergj Mihasi, babi i Erigers Mihasit i thirrur në cilësinë e viktimës së veprës penale, kërkoi që të mos marrë më pjesë në seanca për shkak të problemeve shëndetësore dhe tha se kishte besim tek vendimi i gjykatës.

SPAK në kushtet kur mungojnë disa të pandehur dhe mbrojtësit e tyre të shtyhet kjo seancë gjyqësore dhe të konsiderohen të njoftuar të gjitha viktimat e veprës penale pasi janë ezauruar rrugët ligjore për njoftim.

Gjykata urdhëron të bëhet shoqërimi i personave të dyshuar që janë të arrestuar.

Po ashtu pezullohen afatet e paraburgimit për të arrestuarit.

Seanca e ardhshme në datën 6 maj ora 11:00.