Tregjet kanë lëvizur menjëherë, sapo presidenti amerikan, Donald Trump, njoftoi se SHBA-ja dhe Irani po zhvillonin “biseda shumë të mira dhe produktive në lidhje me një zgjidhje të plotë dhe totale të armiqësive” të tyre në Lindjen e Mesme.
Tregjet kanë lëvizur menjëherë, sapo presidenti amerikan, Donald Trump, njoftoi se SHBA-ja dhe Irani po zhvillonin “biseda shumë të mira dhe produktive në lidhje me një zgjidhje të plotë dhe totale të armiqësive” të tyre në Lindjen e Mesme.
Nafta bruto Brent ra me 13% në rreth 96 dollarë për fuçi. Çmimet e benzinës kanë rënë po ashtu. Trump shkroi fillimisht në Truth Social të hënën se kishte udhëzuar Departamentin e Luftës që të shtynte të gjitha sulmet ndaj objekteve energjetike të Iranit për një periudhë pesë-ditore, për të parë ecurinë e bisedimeve mes Washingtonit dhe Teheranit. Më pas presidenti amerikan ka thënë se “gjërat po shkojnë shumë mirë me Iranin”.
Megjithatë, ministria e Jashtme e Iranit ka mohuar se ka pasur ndonjë bisedë midis dy vendeve. “Nuk janë zhvilluar negociata me Shtetet e Bashkuara. Lajmet e rreme po përdoren për të manipuluar tregjet financiare dhe të naftës dhe për t’i shpëtuar moçalit në të cilin janë bllokuar Shtetet e Bashkuara dhe Izraeli”, deklaroi Kryetari i Parlamentit iranian, Mohammad-Bagher Ghalibaf,
