Një lajm disi pozitiv për drejtuesit e mjeteve në vend: Bordi i Transparencës ka vendosur uljen e çmimit të naftës në mbledhjen e datës 8 prill 2026.

Sipas vendimit të ri, nafta (gazoil) do të tregtohet me 220 lekë/litër, duke shënuar një ulje prej 4 lekësh nga vendimi paraardhës. Ndërkohë, benzina do të vijojë të shitet me 181 lekë/litër, pa ndryshime.

Në njoftimin zyrtar bëhet me dije se:

• Çmimi me pakicë i gazoilit (standardi SSH EN 590) nuk duhet të kalojë 220 lekë/litër, ndërsa me shumicë 208 lekë/litër.
• Çmimi me pakicë i benzinës nuk duhet të kalojë 181 lekë/litër, ndërsa me shumicë 169 lekë/litër.

Vendimi ka hyrë në fuqi më 8 prill, ora 15:30 dhe do të jetë i vlefshëm deri në mbledhjen e ardhshme të bordit.

Autoritetet paralajmërojnë operatorët për zbatim të detyrueshëm të këtij vendimi, ndërsa në rast shkeljesh do të ketë masa deri në pezullim aktiviteti.

Institucionet si Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë janë angazhuar për mbrojtjen e konsumatorëve dhe garantimin e konkurrencës së ndershme në treg.