Policia e Fierit ka vënë në pranga një 53-vjeçar të shpallur në kërkim, i dyshuar për tentativë vjedhjeje me dhunë ndaj një të moshuari.

Në pranga ra shtetasi P. Dh., 53 vjeç, banues në fshatin Pishë Poro, Fier, i lokalizuar pas kontrolleve intensive dhe informacioneve të siguruara në rrugë operative.

Sipas hetimeve, në orët e para të datës 18.04.2026, ai dyshohet se është futur i maskuar në banesën e një të moshuari në fshatin Pishë Poro, ku e ka dhunuar dhe kanosur me thikë me qëllim për t’i marrë një shumë parash.

Megjithatë, autori është larguar pa arritur të vjedhë asgjë.

Materialet procedurale i janë referuar Prokurorisë për veprime të mëtejshme, për veprën penale “Vjedhja me dhunë”, mbetur në tentativë.