Në një kohë kur vendi po përballet me protesta studentore dhe tensione, Kuvendi i Shqipërisë do të mblidhet të enjten në seancën e radhës plenare. Sipas urdhrit të firmosur nga kryetari i Kuvendit, Niko Peleshi, seanca do të nisë në orën 10:00.

Në rendin e ditës është parashikuar një interpelancë me ministrin e Turizmit, Kulturës dhe Sporteve, si dhe shqyrtimi i 11 projektligjeve dhe 3 projektvendimeve që prekin fusha të ndryshme.

Mbledhja e deputetëve vjen në një klimë të tensionuar, teksa prej ditësh protestat studentore janë shoqëruar me përplasje me efektivët e policisë.

Ndërkohë, mbetet për t’u parë nëse situata e krijuar nga protestat do të bëhet pjesë e diskutimeve dhe debateve në sallën e Kuvendit.