Mëngjesin e kësaj të premteje në afërsi të Gjykatës Civile, në Shkozet, një qytetar është gjetur i pajetë në trotuar. Paraprakisht, burime nga grupi hetimor bëjnë me dije se viktima është i moshës 38 vjeç, me iniciale E.G., i cili thuhet se vuante nga sëmundje kronike.
Autoritetet vendase kanë dalë në vendngjarje dhe po punojnë për zbardhjen e plotë të rastit. Ndërsa pritet që trupi i pajetë të dërgohet në morg, e të kemi detaje më të plota në vijim kur autoritetet të dalin me një njoftim zyrtar për ngjarjen e rëndë.
