Mesditën e sotme, një i ri ka mbetur i plagosur me mjet prerës pasi dyshohet se ka tentuar të grabisë dy vajza në zonën e Myslym Shyrit në Tiranë.

Sipas burimeve për Albania Today, gjatë përplasjes mes palëve situata ka agravuar, ku i riu ka mbetur i plagosur me thikë. Ngjarja ka shkaktuar panik tek kalimtarët në një nga zonat më të frekuentuara të kryeqytetit.

I riu është transportuar menjëherë në spital dhe ndodhet jashtë rrezikut për jetën, ndërsa policia ka nisur hetimet për të zbardhur plotësisht rrethanat dhe për të përcaktuar përgjegjësitë e personave të përfshirë.

Ngjarje të tilla në zonat urbane të Tiranës kanë qenë të përsëritura edhe më parë, duke ngritur shqetësime për sigurinë publike.