Gjyqtari i njohur Szymon Marciniak u përball me një situatë të veçantë gjatë një aktiviteti në Poloni, kur një tifoz i Barcelonës iu afrua për ta qortuar për vendimet e tij kundër Interit në gjysmëfinalen e Ligës së Kampionëve të vitit të kaluar.

“Ende nuk të kam falur për atë që ndodhi vitin e kaluar në ndeshjen kundër Interit,” i tha tifoz.

Marciniak iu përgjigj: “Nga pikëpamja ime, nuk ka asgjë për të falur. Të them të drejtën, vendimet e mia ishin në favor të Barcelonës. Në fushë, unë nuk e dhashë penalltinë ndaj Interit, pastaj VAR më thirri dhe më tregoi se kishte një faull. Pastaj dhashë një penallti ndaj Barcelonës dhe VAR më korrigjoi sepse ishte katër ose pesë centimetra jashtë zonës. Kështu është jeta!”.

“Nëse të jap 100 paund, a do të japësh një penalti për Barcelonën?”, iu drejtua tifozi.

“Jo, jo,” buzëqeshi Marciniak, duke e bërë momentin edhe më të lehtë dhe miqësor.

Marciniak u kritikua ashpër për vendimet e tij në gjysmëfinalen Inter-Barcelona, i cili akordoi një penallti në favor të zikaltërve, ndërsa shumë tifozë u shprehën edhe se goli i Acerbit duhej anuluar për një faull gjatë aksionit.