Tatimet: Edhe 27 ditë kohë për zbatimin e pagesave cashless me POS në disa sektorë
Kanë mbetur edhe 27 ditë nga afati përfundimtar, për zbatimin e detyrimit ligjor për kryerjen e pagesave pa para në dorë (cashless) përmes pajisjeve POS/POI në pikat e shitjes, për një sërë subjektesh të përcaktuara nga administrata tatimore.
Sipas njoftimit të Drejtoria e Përgjithshme e Tatimeve, detyrimi përfshin kryesisht strukturat akomoduese (hotele dhe njësi turistike), shërbimet e transportit, si dhe institucionet dhe shoqëritë publike me kapital shtetëror.
Ky vendim synon rritjen e formalizimit të ekonomisë dhe reduktimin e përdorimit të parasë cash në transaksionet tregtare, duke e bërë më të gjurmueshme qarkullimin financiar.
Zbatimi i pagesave elektronike shihet si një hap drejt:
- rritjes së transparencës në transaksione,
- shërbimeve më të shpejta dhe efikase për qytetarët,
- dhe uljes së informalitetit në ekonomi.
Autoritetet tatimore kanë theksuar se bizneset duhet të mos e lënë për ditën e fundit përmbushjen e detyrimit, pasi afati përfundimtar është 30 maj 2026. Pas kësaj date, subjektet që nuk janë pajisur me sistemet e kërkuara do të përballen me masa administrative sipas legjislacionit në fuqi.
Ky ndryshim vlerësohet si një nga hapat më të rëndësishëm të viteve të fundit në drejtim të dixhitalizimit të pagesave dhe formalizimit të ekonomisë shqiptare.
