Kreu i Partisë së Lirisë, Ilir Meta, i është drejtuar GJKKO me një kërkesë për zëvendësimin e masës së “arrestit me burg” me një masë sigurie më të butë, duke ofruar edhe garanci pasurore.

Për shqyrtimin e kësaj kërkese, GJKKO ka caktuar zhvillimin e seancës gjyqësore më 11 maj, në orën 11:30.

Ndërkohë, gjykata i ka dërguar fletë-thirrje avokatit mbrojtës të Metës, Kujtim Cakrani, i cili është thirrur të paraqitet në seancë për të mbrojtur kërkesën e ish-presidentit.

Sipas njoftimit, kërkesa e Ilir Meta do të shqyrtohet nga gjyqtarja Etleva Deda.