Presidenti rus Vladimir Putin ka mbërritur në Pekin për vizitë dy-ditore ku do të pritet nga homologu Xi Jinping. 

Sipas ndihmësit të Kremlinit, Yury Ushakov, pika kulmore e vizitës do të jetë pritja e homologut të tij rus nga Presidenti kinez Xi Jinping, gjë që do t’u lejojë të dy udhëheqësve të diskutojnë çështje ndërkombëtare.

Udhëheqësi rus u prit nga Ministri i Jashtëm kinez Wang Yi, i cili është drejtor i Zyrës së Komisionit të Punëve të Jashtme të Komitetit Qendror të Partisë Komuniste Kineze (PKK), Ambasadori kinez në Rusi Zhang Hanhui, Ambasadori rus në Kinë Igor Morgulov dhe stafi i lartë diplomatik nga institucionet diplomatike ruse. Putin shkëmbeu shtrëngime duarsh me ata që erdhën për ta përshëndetur.

Pas përfundimit të ceremonisë madhështore të mirëseardhjes, me flamuj dhe këngë Putin u fut në makinën presidenciale dhe u nis për në rezidencën shtetërore.