Janë gjithsej 16 kandidatë që kanë paraqitur zyrtarisht aplikimin për postin e drejtorit të ri të Policisë së Shtetit. Emrat janë publikuar në faqen zyrtare, ndërsa në mesin e aplikantëve bie në sy edhe prania e dy grave.
Kandidatët në garë janë:
- Afrim Tafa
- Alfred Çepe
- Arjanit Arapi
- Ejona Gurbardhi
- Elidon Çela
- Gentian Berberi
- Gentjan Shehaj
- Idajet Faskaj
- Lorenc Panganika
- Neritan Nallbati
- Pëllumb Seferi
- Rebani Jaupi
- Saimir Boshnjaku
- Skënder Hitaj
- Suela Sulkaj
- Tonin Vocaj
Posti i drejtorit të përgjithshëm të Policisë së Shtetit mbeti vakant pasi Ilir Proda qëndroi në këtë detyrë për rreth 17 muaj. Ai u largua pas protestës së 28 shkurtit, për shkak se nuk arriti të garantonte rendin dhe sigurinë, pasi protestues të opozitës arritën të depërtonin në zonën e ish-Bllokut dhe goditën me molotov vilën e ish-diktatorit Enver Hoxha, ku në atë moment ndodheshin disa artistë të huaj.
Deri në përzgjedhjen e drejtuesit të ri, detyra e drejtorit të Policisë së Shtetit është komanduar përkohësisht te zëvendësdrejtori Sokol Bizhga.
Pjesa më e madhe e kandidatëve në garë kanë një karrierë të gjatë në strukturat e sigurisë dhe kanë mbajtur më parë poste të ndryshme drejtuese në Policinë e Shtetit.