Një i ri në Greqi është bërë viral në rrjetet sociale pas një sfide të pazakontë që ka mahnitur mijëra përdorues.

Në videon që po qarkullon gjerësisht, ai shihet duke lundruar mbi një paddle board, ndërsa mbi dërrasën lundruese ka vendosur një karrige ku ulet i qetë, sikur të ishte ulur në tokë.

Pavarësisht lëvizjeve të detit dhe lëkundjeve të vazhdueshme të dërrasës, i riu arrin të ruajë ekuilibrin në mënyrë perfekte pa përfunduar në ujë.

Pamjet, të filmuara në Greqi, kanë tërhequr vëmendjen e përdoruesve në rrjetet sociale, të cilët kanë vlerësuar kontrollin dhe përqendrimin e tij.

Për disa, kjo është një demonstrim i aftësive fizike dhe një sfidë ndaj kufijve të ekuilibrit, ndërsa për të tjerë një provë nervash, pasi një lëvizje e vogël do të mjaftonte që ai të përfundonte në det.

Videoja vazhdon të shpërndahet gjerësisht, duke e kthyer të riun në një nga personazhet virale të ditëve të fundit.