Ushtria izraelite ka ndërmarrë një valë të re sulmesh në Liban. Më herët, Forcat Mbrojtëse të Izraelit lëshuan një tjetër urdhër evakuimi për disa zona të Libanit që pritet të jenë në shënjestër të operacioneve ushtarake.

Avichay Adraee, zëdhënës i Forcave Mbrojtëse të Izraelit, deklaroi se të gjithë banorët që jetojnë në jug të lumit Zahrani duhet të largohen menjëherë nga shtëpitë e tyre dhe të zhvendosen drejt veriut, pasi ushtria planifikon të godasë objektiva që, sipas saj, lidhen me milicinë Hezbollah të mbështetur nga Irani.

Ndërkohë, mëngjesin e sotëm ministri izraelit i Mbrojtjes urdhëroi zgjerimin e operacionit ushtarak. Duke iu drejtuar presidentit të Libanit, Israel Katz paralajmëroi se nëse qeveria libaneze nuk do të arrinte të ndalte Hezbollahun nga sulmet ndaj Izraelit, atëherë Izraeli do të vepronte vetë.

Sipas Ministrisë së Shëndetësisë në Liban, të paktën 687 persona kanë humbur jetën në sulmet izraelite që nga data 2 mars.