Modelja e njohur Beniada Nishani, e cila u bë shumë e dashur për publikun gjatë pjesëmarrjes së saj në Big Brother VIP Albania 1, ka zbuluar se prej disa muajsh është në një lidhje dashurie.

Në një intervistë të fundit, ajo tregoi se partneri i saj është italian dhe se historia mes tyre ka lindur pas një miqësie të gjatë ndër vite.

“Nuk jam më beqare. Ka dikush në jetën time. Ende nuk ka propozim apo unazë, por gjithçka po shkon natyrshëm,” u shpreh Beniada Nishani, duke theksuar se për arsye personale ka preferuar ta mbajë marrëdhënien larg vëmendjes së publikut.

Ajo shtoi se ndihet shumë e lumtur dhe se i përket një mentaliteti tradicional kur bëhet fjalë për marrëdhëniet.

“Kur gjërat i merr me pozitivitet, gjithçka shkon më mirë. Njihemi prej vitesh dhe kemi qenë shokë. Pastaj ai mori guximin të afrohej, sepse unë jam tradicionale dhe i vlerësoj gjërat me kohë,” tha modelja.

Megjithëse nuk ka zbuluar identitetin e partnerit, duket se Beniada Nishani po shijon një periudhë shumë të bukur në jetën e saj personale.