Shërbimi i transportit urban do t’i kthehet normalitetit.

Arrihet dakortësia mes ministrive dhe operatorëve të transportit pubik për subvencionimin e naftës. Pas një takimi që nisi që në orët e para të mëngjesit, është vendosur që tranporti të kthehet në normalitet. Ndërsa opëratorët do të përfitojnë subvencionim. Vlera do të përcaktohet në ditët në vijim.

“Patëm një takim me ministren e Ekonomisë, ministrin e Infrastrukturës dhe kryetaren e bashkisë, u dakordësuam që transporti do të rikthehet në normalitet dhe do të ketë subvencion lekë për litër, por do të jetë në diskutime si vlerë.

Nga sot do të vazhdojë transporti me kapacitet të plotë, se edhe operatorët duan ta ofrojnë shërbimin siç duhet për shkak të asaj që u pa këto dy ditë.

Do të kemi dhe takim tjetër javën që vjen për të diskutuar kërkesat e tjera ekonomike, si TVSH, akcizë, kategoritë që udhëtojnë falas”, tha për Monitor, Dashnor Memaj, kryetari i Shoqatës së Transportit Urban dhe Ndërqytetës.

“Qeveria Shqiptare do të subvencionojë transportin publik, duke rikthyer në normalitet këtë shërbim të domosdoshëm për qytetarët”, deklaroi ministri i Infrastrukturës dhe Energjisë, Enea Karakaçi.