Situata ka dalë jashtë kontrollit pas përfundimit të ndeshjes mes Flamurtarit dhe Elbasanit, ku tensionet kanë vijuar edhe në ambientet e brendshme të stadiumit.

Sipas pamjeve që po qarkullojnë në rrjetet sociale, disa tifozë vlonjatë kanë depërtuar në zonën e dhomave të zhveshjes, ku janë përplasur me lojtarët e Elbasanit. Në video shfaqen momente tensioni, me shtyrje dhe ndërhyrje për të shmangur përshkallëzimin e situatës.

Ndeshja u mbyll me rezultatin 2-1 në favor të Elbasanit.