Partia Demokratike i ka mbyllur derën Ervin Salianjit për garën e 23 majit për kreun e partisë.

Sipas burimeve, Salianji nuk do të lejohet të kandidojë, pasi nuk figuron më si anëtar i Partisë Demokratike. “Salianji nuk mund të kandidojë, nuk është më anëtar PD”, thuhet në reagimet zyrtare.

Ky zhvillim vjen në një moment kur vetë Salianji kishte lënë të hapur mundësinë për t’u përfshirë në garë përballë Sali Berishës dhe figurave të tjera. Megjithatë, rifreskimi i listave të anëtarësisë e ka nxjerrë atë jashtë strukturave të partisë.

Përjashtimi lidhet me qëndrime dhe veprime që janë konsideruar në kundërshtim me vijën politike të Partisë Demokratike, përfshirë angazhime që, sipas saj, kanë dëmtuar interesat e saj në procese zgjedhore.

Situata pritet të shoqërohet me reagime dhe zhvillime të mëtejshme brenda radhëve të Partisë Demokratike.