Një 78 vjeçar është gjetur pa shenja jete në banesën e tij në fshatin Bulgarec të Korçës. Sipas informacioneve paraprake dyshohet se i moshuari mund të jetë vrarë, pasi në trupin e tij janë gjetur shenja dhune.

Dyshohet se ai është goditur me sende të forta dhe për pasojë ka humbur jetën për shkak të dhunës. Mësohet se i moshuari ishte i divorcuar dhe jetonte i vetëm në banesë prej 25 vitesh.

Blutë e Korçës kanë shkuar në vendin e ngjarjes dhe po punojnë për zbardhjen e rrethanave të ngjarës së rëndë.

Informacion paraprak

Mëngjesin e sotëm, në fshatin Bulgarec, Korçë, është gjetur pa shenja jete, në banesën e tij, ku jetonte vetëm, shtetasi G.(M). V., rreth 78 vjeç. Trupi i pajetë është dërguar për ekspertizë mjekoligjore, me qëllim përcaktimin e saktë të shkakut të vdekjes. Grupi hetimor, në drejtimin e Prokurorisë, po punon për zbardhjen e rrethanave të rastit.