Një alarm u dha sot në mesditë në lagjen Besiktas të Stambollit pas një sulmi të armatosur jashtë konsullatës izraelite.

Sipas informacioneve fillestare, kishte tre persona të armatosur, dy prej të cilëve të vdekur dhe i treti i plagosur.

Deklarata e parë nga policia e Stambollit tha se “tre autorët janë neutralizuar”.

Siç raporton Hurriyet, dy oficerë policie u plagosën gjatë shkëmbimit të zjarrit.

Në X janë publikuar video që dyshohet se tregojnë momentin e shkëmbimit të të shtënave me armë.
Mediat turke raportojnë se tre autorët e sulmit që u neutralizuan mbanin armë të rënda.