Përplasjet brenda Partia Demokratike në Pukë janë intensifikuar ndjeshëm në prag të zgjedhjeve për kryetar, duke e kthyer garën në një përballje të hapur mes “Rithemelimit” dhe “Euroatlantikëve”.

Situata është tensionuar pas kandidimit të Ferit Ringaj për drejtimin e degës lokale. Ringaj, i njohur si mbështetës i Lulzim Bashës dhe si kundërshtar i Sali Berishës, shihet nga një pjesë e anëtarësisë si përfaqësues i linjës “euroatlantike” brenda partisë.

Sipas mbështetësve të PD në Pukë, kandidimi i tij për kryetar ka hasur kundërshti të forta, veçanërisht nga ata që identifikohen me krahun e “Rithemelimit”. Ata e konsiderojnë këtë kandidaturë si një përpjekje për të rikthyer në drejtim figura që kanë qenë kundër Berishës dhe vijës aktuale të partisë.

Ndërkohë, burime nga baza e partisë pretendojnë se gjatë kësaj gare janë ushtruar presione dhe kërcënime për largim nga puna në bashki, në rast se nuk mbështesin kandidatin Ferit Ringaj.