Me kërkesë të Prokurorisë së Posaçme dhe vendim të gjyqtarit Erion Çela, janë miratuar 35 kontrolle dhe sekuestro në të gjithë Shqipërinë, ndërsa për shkak të numrit të lartë të tyre, me udhëzim të prokurorëve të çështjes përfshirë edhe drejtuesit e SPAK dhe BKH-së, pothuajse gjithë struktura e Byrosë Kombëtare të Hetimit është angazhuar në terren në mënyrë të njëkohshme.

Kontrollet dhe sekuestrot janë kryer në kompani, individë dhe persona të lidhur me Belinda Ballukun.

Mes këtyre veprimeve janë edhe marrja në pyetje gjatë ditëve të fundit të shumë personave, mes të cilëve Viola Haxhiademi, ish-sekretare e Përgjithshme e MIE, aktualisht drejtore e KESH, dhe biznesmeni Arbër Abazi.