Një sirian 17-vjeçar është arrestuar në Hamburg me dyshimin se planifikonte një sulm terrorist në emër të ” Shtetit Islamik”.

Sipas një deklarate nga Zyra e Prokurorit Publik të Hamburgut, i mituri u arrestua nga forcat speciale të enjten, më 7 maj, dhe dyshohet se po përgatiste një sulm ndaj një turme, duke përdorur ose thikë ose një pajisje shpërthyese të improvizuar.
17-vjeçari përballet me akuza për përgatitjen e një akti terrorist dhe financimin e terrorizmit, ndërsa autoritetet po shqyrtojnë fushën e kontakteve dhe lëvizjeve të tij. Gjatë hetimeve u sekuestruan sende me përdorim të dyfishtë, përfshirë pleh, lëng për çakmakë barbeque, një balaklavë dhe një thikë.
Njëkohësisht, prokurori kompetent ka kërkuar një vlerësim psikiatrik të personit të arrestuar.