Franci Ndoja ka dhënë dorëheqjen nga detyra si drejtues i Agjencisë së Mbikëqyrjes Policore për Tiranën, në një tjetër lëvizje në strukturat e sigurisë në vend.
Mësohet se pas largimit nga ky post, Ndoja është emëruar këshilltar i drejtorit të përgjithshëm të Agjencisë së Mbikëqyrjes Policore, Klevis Qose.
Ky zhvillim vjen pak më shumë se një muaj pasi Klevis Qose mori drejtimin e AMP-së. Ish-drejtori i Përgjithshëm i Burgjeve u emërua në krye të Agjencisë së Mbikëqyrjes Policore më 23 prill 2026, duke zëvendësuar në këtë detyrë Eduart Merkajn.
