Petri Bozo është lënë në burg nga Gjykata e Elbasanit, pas aksidentit tragjik ku humbi jetën një fëmijë 7-vjeçar në aksin nacional Elbasan–Librazhd.

Ngjarja e rëndë ndodhi paraditen e 25 majit, kur i mituri po kalonte rrugën së bashku me nënën e tij, pasi kishin shoqëruar motrën në shkollë. Automjeti i drejtuar nga Bozo e ka përplasur për vdekje fëmijën në momentin që ai po kalonte në anë të rrugës.

Gjatë dëshmisë së tij në polici, Bozo ka deklaruar se nuk e kishte vënë re 7-vjeçarin, edhe pse po lëvizte me shpejtësi të ulët. Ai ka thënë gjithashtu se pak çaste para aksidentit kishte përshëndetur një efektiv policie që ndodhej në zonë.

Pas shqyrtimit të provave dhe rrethanave të ngjarjes, Gjykata e Elbasanit vendosi masën e sigurisë “arrest me burg” ndaj regjisorit, ndërsa hetimet për zbardhjen e plotë të aksidentit vijojnë.