Reshjet intensive të shiut të pasdites të kësaj të hëne kanë sjellë një situatë shqetësuese në aksin e Moglicë-Gramsh në Maliq. 

Si pasojë e motit të keq masa të mëdha dheu e gurësh janë shkëputur nga shpatet anësore të malit, duke bllokuar një pjesë të rrugës dhe duke bërë të pamundur lëvizjen e automjeteve.

Aktualisht puna po zhvillohet vetëm në njërin krah të rrugës pasi ndërhyrja e plotë mbetet e vështirë për shkak të prurjeve të vazhdueshme.

Autoritetet dhe grupet e punës po monitorojnë situatën në vazhdim.