30 studente të Akademisë së Sigurisë janë paraqitur në QSUT me të vjella.
Nga këta 15 kanë marrë ndihmë mjekësore.
Ka nisur hetimi për rastin pasi janë marrë kampionet e ushqimit për të parë nëse ka të bëjë sërish me helmim.
Kujtojmë se muajin e kaluar 56 studentë të Akademisë së Sigurisë u helmuan nga ushqimi, konkretisht nga makaronat me baktere mbi normë. AKU ndërhyri duke ndërprerë aktivitetin e kompanisë Sori-Al dhe duke e gjobitur atë 1,500,000 lekëve për ushqim të pasigurt dhe kushte higjieno-sanitare.
Në vijim të hetimeve, Prokuroria e Tiranës mori në pyetje e dhe drejtorin e AKU, Ersid Hasanllari, si dhe drejtoren e Njësisë Vendore të Kujdesit Shëndetësor, Flutura Polaci.
Në përfundim të procedurave të inspektimit, Autoriteti Kombëtar i Ushqimit vendosi zhbllokimin e aktivitetit të subjektit “SORI-AL”, duke i lënë detyrë kryerjen e analizave të autokontrollit për produktin e gatshëm në ambientet e Garnizonit të Forcave të Armatosura, në zbatim të legjislacionit në fuqi.
