Një zjarr i fuqishëm që përfshiu një kantier ndërtimi në qendër të Brukselit dyshohet se ka shkaktuar rreth 20 viktima, ndërsa autoritetet belge vijojnë operacionet e kërkim-shpëtimit për personat e raportuar të zhdukur.

Sipas informacioneve paraprake, disa trupa janë gjetur brenda njërit prej dy ashensorëve të kantierit ku po zhvillohej një projekt i madh rinovimi në sheshin “Place de Brouckere”. Deri më tani nuk është konfirmuar zyrtarisht nëse viktimat e gjetura janë pjesë e listës së gjashtë punëtorëve të shpallur të zhdukur.

Në momentin e shpërthimit të zjarrit, në kantier ndodheshin më shumë se 200 punëtorë. Tre persona janë transportuar në spital për të marrë ndihmë mjekësore, ndërsa ekipet e emergjencës vijojnë kontrollet në zonë.

Autoritetet belge kanë nisur hetimet për zbardhjen e shkaqeve të zjarrit, ndërsa bilanci i viktimave pritet të përditësohet pas përfundimit të operacioneve të kërkimit