Gazetari Armand Maho ka publikuar në rrjetet e tij sociale një krahasim të çmimeve mes viteve 2013 dhe 2025, duke ngritur shqetësime për rritjen e kostos së jetesës gjatë këtyre viteve.

Në postimin e tij, Maho ka krahasuar çmimet e disa produkteve dhe shërbimeve, duke pretenduar se shumë prej tyre janë rritur dyfish ose trefish në raport me 13 vite më parë.

Ai ka kritikuar qeverinë e drejtuar nga kryeministri Edi Rama, duke u shprehur se rritja e çmimeve ka rënduar ndjeshëm mbi qytetarët, në një kohë kur sipas tij paga minimale, paga mesatare dhe pensionet nuk janë rritur në të njëjtin ritëm.

“Për kuriozitet, meqë pretendohet se na ka ndryshuar jetën. Ja çmimet krahasuese me 13 vjet më parë. Të gjitha të dy apo trefishuara”, shkruan Maho në reagimin e tij.

Sipas gazetarit, rritja e kostos së jetesës ka bërë që shumë qytetarë të përballen me vështirësi ekonomike, duke e përshkruar situatën si një kalim nga jetesa normale drejt mbijetesës.

Postimi ka nxitur reagime të shumta në rrjetet sociale, me qytetarë që diskutojnë mbi ndryshimin e çmimeve, pagave dhe fuqisë blerëse gjatë viteve të fundit.